Laladjo Ngèsrèk: Kariaan Soenatan di Bodjong, Pameungpeuk (1924)

Pengantar

Kembali Naratas Garoet memuat tulisan dalam bahasa Sunda yang diperoleh dari Poesaka Soenda, edisi No. 12 Tahoen ka-2, Juni 1924, berjudul “Ngèsrèk”, yang ditulis oleh A. Ganda Prawira. Poesaka Soenda adalah sebuah majalah bulanan yang membahas kesenian dan kebudayaan Sunda. Poesaka Soenda diterbitkan oleh Pagoejoeban Java-Instituut dengan alamat Salemba No. 28, Weltevreden, dengan Dewan Redaksi Dr. R.A. Hoesein Djajadiningrat, J. Kats, dan M. Soeriadiradja. Terbit pertama kali pada tahun 1923.

Ngèsrèk atau Gèsrèk sendiri adalah seni pertunjukan yang serupa debus. Ngèsrèk diiringi tetabuhan alat musik terebang dengan syair-syair dari kitab Barjanzi, dan juga sisindiran atau pantun Sunda. Sekarang seni Ngèsrèk yang tersisa dikenal berasal dari daerah kecamatan Pamulihan (bisa dibaca misalnya dalam link berikut http://jelajahgarut.com/seni-gesrek-seni-bubuang-pati-khas-garut/). Namun, menurut cerita dari tulisan ini, permainan Ngèsrèk yang terkenal itu berasal dari desa Panyindangan. Sepertinya, desa Panyindangan di kecamatan Cisompet, bukan desa Panyindangan di kecamatan Pakenjeng; dulu Cisompet masih termasuk distrik Pameungpeuk. Dikatakan, saat acara sunatan di desa Bojong itu berdatangan rombongan seni Ngèsrèk dari desa Panyindangan untuk ikut memeriahkan acara. Semalam suntuk…

Mungkin karena seni Ngesrek yang dikenal sebagai seni Bubuang Pati atau “mempertaruhkan nyawa” ini rada-rada sadis maka pemerintah kolonial sempat melarang pertunjukan seni ini.

[M.S]

Poesaka_Soenda_1924-06-2

***

Ngèsrèk

Dina hidji waktos djisim koering diadjakan koe hidji sobat laladjo ngèsrèk di noe kariaan di Bodjong, hidji dèsa padoesoenan noe pernahna kirang langkoeng 4 pal ti pakemitan district Pameungpeuk (Garoet); enggalna djol dimanggakeun bari sareng teu kinten atohna rèh bakal ningal noe anèh kitoe da saoemoer boeleud hoeloe djisim koering teu atjan ngaranapan ningal noe disebat ngèsrèk, mani hajang geura bèh geura bèh baè, koemaha ari ngèsrèk tèh. Harita djisim koering njarita ka èta sobat jèn badè ngadjakan babatoeran anoe djadi prijaji B. B. sareng Onderwijs, nanging koe èta sobat ditolak, sanggémna: “Lamoen oerang reureudjeungan djeung batoer soemawona bangsa prijaji boh golongan B.B. boh golongan Goeroe, tangtoe njamos lantaran kagamahan, karana èta djalma-djalma wantoening oerang kampoeng padoekoehan, tangtoe arèraeun djeung sok sieuneun koe noe kaseboet mènak mah, tangtoe ngèsrêkna moal toeloes; djadi oerang mah oerang ngelemet baè, malah lamoen hajang toemaninah pisan, papakèan ogè koedoe njamoer, sabot laladjo mah koedoe biasa oerang ditoe baè ngarah teu katara sèmah.”

Gantjangna toeloej djisim koering mios, dongkap ka Bodjong tèh kira-kira wantji magrib, ngahadja rada beurang-beurang tèh di djalanna sieun, lantaran njorang leuweung sapapandjangna; nja kitoe deui teu wani beurang pisan boh bisi disangka noe arèk ngaharoe biroe kana paniatanana.

Di anoe karia tèh geus sadia balandongan meunang mapaèsan koe daoen-daoen, ti loehoerna makè lalangit koe boèh kasar; tempatna baroedak soenatan nja di djero balandongan èta kènèh makè papadjangan noe dikepoet koe kasang djinem boeatan karoehoenna.

Barang doer isa dor ngabeukasan bedil tjoeplis alamat mangkat raramèan, ari tatabeuhanana teu aja deui lian ti terebang mani sababaraha poeloeh rombong djeung dogdog, geus teu poegoeh dèngèkeuneunana.

Harita djisim koering njalindoeng doeaan kana dapoeran tjaoe noe rada poèk ngarah teu katara; make badjoe kamprèt diharoedoem samping polèng, bendo diganti koe parèkos nangka; djeung ongkoh kabeneran harita tèh keur poèk boelan atoeh teu aja noe nganjahoankeun, maroekan priboemi di dinja baè.

Di balandongan katingal aja sarombong terebang gedè noe toetoepna koe koelit moending ènèng, ditabeuhna bing-broeng-bing-broek noe kaseboet njalawat TJANDRA WATI tèa, ari noe narepakna rata-rata para aki-aki, bari ting araleu ngawih matak kelar matak waas, horèng kitoe karesepan oerang Soenda toelèn mah.

Si baroedak soenat (noe rèk dikariakeun tèa) ti papadjangan geus ditoeroenkeun toeloej sina ngigelan terebang gembroeng tèa, igelna ogè lain tjara igel dina cursus tapi igel djogèd, si leungeun boedak tèh ditjekel koe kolotna diatjoeng-atjoeng bari sina reureundeukan ninggang kana tabeuh. Sadjabana ti boedak kolot-kolot ogè mani pinoeh di balandongan tèh, pada miloe mairan ting rèngkènèk djogèd, igel salawè. Malah harita katingal aja awéwé sagala noe miloe djogèd tèh, bèdjana èta tèh ninina boedak ngalaksanakeun pakaoelanana, kala baheula basa èta boedak gering, pokna lamoen intjoena nepi ka disoenatanana arèk kaoel didjogèdan. Ari senggakna sabot keur kitoe tèh mani ramè “Wahèh, hètah-hètah, hèjah-hèjah”.

Sadjero baroedak keur ngigel teu petot djalma awèwè lalaki ting solongkrong ka tengah pakalangan pada nareundeunan doeit kana bokor, masak, pikeun njetjep boedak tèa atawa bagikeuneun ka noe nabeuhan.

Noe disoenatan tèh lain hidji doea tapi aja poeloehna, nja èta baroedak anak sanak barajana baè, noe koempoel ngahidjikeun ridjki ngarah teu hamboer bahan tjara karia pakerèntjilan. Goejoeb roekoen adat toetoeroenan Soenda pitoein tèh di dinja mah teu atjan loentoer; geuning di sèdjèn tempat mah nepi ka aja kadjadian dina perkara karia papanas-panas paramè-ramè, masing djeung tatangga ogè hajang pada matjakal, taja lian lantaranana ngan koe renggang tali kasoendaan. Kana kitoe tèh oerang dinja mah rada baid.

Sanggeus baroedak rèngsè didjogèdkeunana, di balandongan toeloej sisingkir, terebang tjandra wati pindah ka tepas imah, di dinja diganti koe terebang batik (pitjoeng lingkoep) 2-3 rombong, saasoepna baè. Sadjaba ti di balandongan, di pipir ogè mani pinoeh koe sababaraha rombongan terebang kitoe, sarombong-sarombongna pada ngarioeng tjempor, darioekna sawarèh mah teu disamak-samak atjan ngagolèr baè dina taneuh, atawa disasanapan koe bilik.

Koe djisim koering katangen aja sababaraha rombongan terebang noe datangna naroengtoetan. Ditanjakeun, èta tèh ondangan ti mana bet datangna kapandeurian? Ari walonna: “Ieu terebang noe sakieu seueurna karèrèaanana mah sanèh ondangan, nanging karepna baè saking koe resep resepeunana, datang pribadi, toer aja noe lalakon 5-6 pal. Padahal dongkapna ka dinja tèh tara disoegoeh disaè-saè oekoer dibèrè tjiatah sareng lalawoeh sakadarna; parandènè kitoe di oenggal noe karia tara kirang-kirang noe darongkap ngaramèkeun. Babakoena èta tèh noe niat metjak pangabisana, da ari noe kirang djadjatènna mah terebangna ogè sok keuna koe pangheureujan batoer, kajaning goprok tèa, teu haroes, atanapi paseukna alaloedar, malah baheula mah doegi ka kadjantenan aja terebang maboer tina leungeun, ting gorolong ka tengah tegal da asalna koelit embè, nanging ari noe kitoe mah ajeuna geus teu aja, kantoen pèpèrètna baè.

Doegi ka wengi pisan noe nerebang tèh, beukti tjampoeh baè narabeuhna (nepakna) kawas satengah teu èling, da moen naradjang di lebah oerang mah matak baritoe leungeun. Saking koe tjampoeh-tjampoehna kitab Berdjangdji noe dianggo lajangna teras disingkirkeun, kawihna digentos koe sisindiran; saparantos kitoe woewoeh midjah tambah tjampoeh, andjog-andjog na djoeng narantoeng narabeuh terebangna bari èngklak-èngklakan.

Dina oenggah rombongan geus tangtos aja baladna. Tah èta baladna tèh dina keur tjampoeh ting aladjroeg bari ngapoeng-ngapoeng iket teu kanjahoan deui ngan sèrèpèt sèrèpèt baè kabèh pada maresat bedog, noe rorèng beunang ngasah, dihantem dikèsrèk-dikeureut keureutkeun kana pingping, kana leungeun, djeung ka saloear anggahotana baè teu aja noe diitjip-itjip teu dipilihan, toengtoengna boek-bek silih kadèk djeung batoerna, semoe baroengaheun pisan.

Teu kinten djisim koering paoerna ningal baroedak silih kadèk, aja noe ting lalèkèk meuntjitan manèh, ngeureutan lètahna kainggis tèh sieun simpreng baè teurak doegi ka pegatna, koemaha noemboekeunana deui! Tapi ditingal sakitoe boek-bekna tèh teu aja noe tjilaka saoerang ogè. Beuki tjampoeh noe njenggakan, “Hètah hètah, hèjah-hèjah”, bari èmprak mingkin tjampoeh ting salebrètna metakeun pakarang teu aja eungeun-eungeunna.

Lami-lami noe njenggakan tèh tajohna geus tjarapèeun, saparantos kirang noe ngahètah-hètah, gèk deui èta tèh sadajana darioek, nepak terebangna pada antja deui.

– “Tah noe kitoe”, sanggem sobat, “noe disebat ngèsrèk tèh.”

Tjeuk djisim koering: “Naha ieu tèh sadajana tariasaeun kana ngèsrèk? Bet ditingal-tingal sadajana teu aja noe kalaroeng pada tarabah kana ngaheureujkeun bedog noe sakitoe sareukeutna dipakè kaoelinan.”

– “Roepi-roepi, sawerèh tiasa sorangan sawarèh mah heunteu. Eta noe teu tiasa noeroet aoeb ka noe tiasa.”

– “Noeroet aoeb koemaha?”

– “Is kapan diantara noe sakitoe tèh, pada aja kekentongna (kokolotna), dina samèmèhna ngèsrèk èta bedog-bedog sadajana koe kekentong tèh ditioep heula didjarampèan, soepaja oelah teurak kana koelit djelema. Njoekoepna èta pangabisa kitoe ka 40 djelema.”

Masing oerang ogè lamoen daèk hajang miloe ngèsrèk, asal bedogna baè didjampèan heula koe èta kokolot, moal boeroeng djadi wedoek moal enja teurak, ngan pantrangna oelah boga dosa lamoen rèk miloe ngèsrèk tèh koedoe beberesih heula.

– “Naha jaktos kitoe? Boa teuing bedogna baè mintoel.”

Sobat tèa ènggal namboet bedog, api-api rèk aja noe dikadèk, ka noe tas ngèsrèk bieu, ladjeng dibikeun ka djisim koering, ari pék tèh dikadèkkeun kana bonggol tjaoe, mani badè sapat.

Sanggem sobat: “Salah metjakna koedoe kana pingping.”

“Ah teu wani”, djawab djisim koering bari rada èra.

Katjatoer dina bretna boedak dikeureut isoek-isoek terebang tèh teu tinggaleun ngan harita mah oekoer 2-3 rombong baè, da noe loba mah soeboeh-soeboeh geus baralik, didinja tèh noe ngalèsrèk tjampoeh deui baè, tinglalèkèk kana sagala bari djigrah boengah noe taja wates wangenna.

Saparantosna lekasan nembè djisim koering wangsoel.

Eta ngèsrèk tèh babakoena ngaboektikeun pangaweroeh kawedoekan.

Anoe barisa kitoe babakoena oerang desa Panjindangan, noe basa di Bodjong ogè nja oerang dèsa èta.

Ari wedoek tèh aja sababaraha roepa ngaranna ogè kajaning: wedoek banjoe (koelit njimoeni tjai, moen dikadèk teurak si teurak tapi harita kènèh lipoet deui), wedoek batoe (koelitna lir batoe dikadèk tèh kalah ka ngeboel), wedoek goela sabeulah, wedoek … djeung rèa-rèa deui.

Ari patokanana aja doea roepa, ka hidji ngomè koelit soepaja oelah teurak koe pakarang, ka doea ngomè pakarang sina ledoe oelah neurak. Tah wedoek noe ka doea mah woengkoel paragi ngèsrèk teu beunang dipakè taroeng djeung moesoeh.

Djadjatèn kolot baheula mah tjarèk aki-aki kiwari noe baheula koengsi ngalaman, kabisana leuwih-leuwih, nepi ka aja hidji djalma dina karia ditoear koe balioeng toedjoeh teu daèkeun roeboeh kalah tjangkeul noe nampolan.

Aja deui tjenah èta mah rada bèh dieu kadjadian di Tjiawi (onderdistrict Tjibarègbèg) noe njalawat tèh sarombong-sarombongna dipenggel dihalangan koe haoer tjoetjoek atawa bitoeng, ana proeng tèh ngadoe djadjatèn, silih sèrèd, èta hahalang noe sakitoe poharana nepi ka antjoer raremoek, ing halè parabotna woengkoel tonggong.

Dina ramè-ramè ngèsrèk geus tangtos aja kokolotna noe geus pinoeh koe elmoe, èta kokolot ngadjaga bisi aja noe apes nepi ka bobor karahajoean tjilaka, teurak, babakoena ngadjaring bisi aja noe hiri dengki ngadoroian.

Ieu ngèsrèk ajeuna geus rada kirang, lantaran ditjegah koe Pamarèntah; noe bararisa ogè teu wanieun, nembrakkeun manèh da sieun tèa.

Perkawis djampè wedoek engkè ti poengkoer disoesoelkeun, ajeuna masih kènèh dikotèktak noedjoe dikoempoel-koempoel. (A. Ganda Prawira) ***

senigesrekjelajahgarutdotcom

Pertunjukan seni Gesrek. Sumber: http://www.jelajahgarut.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s